ROMMI CARMILUZZU

Rommi Carmiluzzu
di Domenico Giansiracusa



Rommi, Carmiluzzu, ròmmi ca t'accùcciu
tèni l' òcci ciùsi, e sèntimi nò sonnu.
U sai ca ìu ti viru, e nun ti lassu sulu.
Rommi Carmiluzzu, e nàta comu 'npisci
e curri comu o ventu, senza pinsari
ne strati picciriddu, senza scappi senza friddu.
Rommi Carmiluzzu e vola 'no desertu
parìitu nu prìncipi, senza scàntu ni lu pettu.
Nu barracanu 'nsulcu, 'ncavaddu senza frenu.
Rommi, ti pari aieri, passasti e mi viristi
e ìu calài l'òcci, ca mi mancàia u ciatu
e a tìa parìa stranu ca ti trimàia a manu.
Rommi Carmiluzzu iu nun sugnu luntanu.
Parra e picciriddi riccìllu ca li amu.
Ora ca sunu ranni capìsciunu cà fattu.
Sputa Carmiluzzu, sputa pulviri e fangu
sputa la stanchizza, e dommi senza ciatu
Rommi cuietu, ci sugnu iu, c' agghiù ‘divatu.
Rommi Carmiluzzu, cò tempu miu passau.
Ma quannu poi ti susi, talìa u ciuri miu.
Racci a manu, e bàsila 'na frunti.
Idda è a pena mia, ciù ricu o Signuri.
Stringila forti, quannu siti suli
riccillu ca mi manca, cu tutta la sò cruci