Figghju calabrisi
di GIUSY STAROPOLI
Calabria mia, Calabria cara,
cu veni 'nta sta terra si arricrija,
pe lu mari chi brilla sutta o suli
chi cu tantu amuri li figghj toi caddija.
Affanna la distanza pemmu arriva,
lu forestero ‘nta sta terra gloriusa,
ma a lu veniri primu s’innamura
di tia mia cara terra, bella e sula.
Sula, ti dicu o terra mia,
quandu li criaturi calabrisi
lu trenu pigghianu e pe’ salutu fischiettija,
e pa luntananza non passanu li misi.
‘Nta lu mari, s’annega chija speranza
di la famigghija chi aspetta lu soi patri
e la mamma,sula prega ‘nta la stanza,
lu crocifissu e la divina matri.
Ma , torna o terra mia lu caru suli,
torna quandu lu figghju toi ti dici:
“’Cca’ sugnu mia cara terra,
e, perdunu cercu , po’ torto chi ti fici
Nessun commento:
Posta un commento